13 مليون ب 13 آذار؟!!

Posted: فبراير 15, 2011 by Ahmad M. Yassine in إسقاط النظام
الوسوم:


هيدي المقالة كتبت ب 13 آذار … يوم ثورة الأرز الثانية و بداية عهد الحرية من الإحتلال الداخلي .. كأني اليوم عم شوف من جديد فارس سعيد حامل الراية و رافع مجد السيادة ، كأني عم شوف إلياس عطاالله عم يقاوم سلاح حزب الله بكلمته الحرة من قلب مجلس النواب مواجها” علي عمار.

غصت بيروت ببحور المشاركين بذكرى 14 – 1 آذار حتى كادت الحشود أن تجتاح صيدا و طرابلس سلميا” !! من شاهد الحدث اليوم أصبح على علم أن قوى المستقبل السيد الحر المستقل لم تساوم و لم تنام!! “لأ” الجماعة بعدن هون و كانوا 13 مليون بالساحة .. آتوا من عكار ، طرابلس، صيدا، النبطية، صور و من كل لبنان!!

أنا بدي إكتب بالعامية متل ما خطب الطفل المعجزة بالعامية بس ما حدا يخاف مش رح إشلح شي .. يمكن مواقفي رح تشلح الثوب الدبلوماسي و تكون صريحة .. شوي؛ كتير منا نتبهوا إنو الحريري كان عم يشلح ثيابو بالمهرجان أكيد .. بس ما حدا انتبه لعمار حوري!! عمار انبسط لما شلح سعد … ليه ما بدو ينبسط و سعد سعودي و زبون لقطة؟! و ما حدا يفكر إنو هيدي الحركة مش ذكية!! هيدي وصيلة دعائية .. هيك سعد عم يخاطب كل فئات المجتمع و يشدها … حتى المثليين .. إيه سعد بدو الكل معو! … لأ للسلاح ! شو بدنا بالسلاح؟! إقتصاديا” مين أقوى؟ الأزمة العالمية أثرت بإسرائيل كتير بس نحنا السنيورة إلو الفضل ببعدها عنا .. طبيعي ليه هو ترك بالبلد إقتصاد؟ … و حتى عسكريا” السنيورة جاهز!! عندو راجمات من دموع 1 و 2 … و طائرات من العبرات و حتى أكبر “Baby Jhonson” ما في يوقف بوجها.. و بقولوا بدهم سلاح .. هيدا السلاح موجه للداخل و هيك مش ماشي الحال … 13 مليون كانوا بالساحة اليوم عدا عن الملايين اللي بالبيوت … 13 مليون نزلوا و تبرعوا كل واحد ب 100$ ليجيب الشيخ سعد جل و ليساعدوا جعجع بزرع الشعر!! … هني ما كانوا بدن يتبرعوا بس سعد و سمير غاروا من شعرات الشيخ أمين …  حقهم … ما سعد جغل و بيلبقلوا!

بس حدا كمان انتبه إنوا كان في ناس  من مالي و تشاد بالمظاهرة؟! أنا أكيد إنهم مش مرتزقة بس لحتى الشيخ سعد يفرجينا إنو الجمهور كبير و من كل الألوان الحزبية و البشرية .. و من زمان معو و مع أبوه .. كيف؟ ما صار في ناس بيض و سود .. بقول الشيخ سعد معي من الأبيض و الأسود .. كلهم معي !! و حدا يعطيني شي دقة لإشلح!! … و إنتو عيلة رفيق الحريري … 13 مليون أخ و إخت و اب و إبن و إم و كلهم عيلة رفيق!! رفيق كان قبضاي!! علم 30000 من عيلتو و كمان أخذ منهم 67 مليار $ ليشغلهم بالشركات عندو .. أخذهم أمانة! و كمان سعد أخذهم..أمانة، إيه هيدا زعيم.

يعني بعد هالمظاهرة المليونية كان الجدير بقوى السلاح تسلم سلاحها و تستحي بقى!! مش تستحي لأن سعد شلح .. قصدي تستحي من الملايين، و حسب مصادري السيد حسن و عبر وفيق صفا فتح قنوات إتصال مع الحريري للإتفاق على تسليم السلاح بس الشيخ سعد ما قبل!!! إيه السيد بدو يسلم السلاح بلا نقل؟! الشاحنات و النقليات على مين؟!… إسرائيل عرضت النقل بس كمان الشيخ سعد ما قبل .. ما هو ضد إسرائيل و مع القضية الفلسطينية!! و للمصادفة ما كان في ولا فلسطيني أو سرلنكية أو أثيوبية بالمظاهرة! بالعكس المدام نزلت وحدها هالمرة.

صحيح 13 مليون كنا بالساحة .. و صحيح الحكيم أعلن عن بداية الثورة الثانية .. بس هيدي الثورة سلمية و كلنا بدنا قول لحزب السلاح تفي عليك بكل قوتنا!! بنكرهك!! إيه بنكرهك و إنت مش كلاس!! نحنا ما رح نرضى بالسلاح و بدنا نقاوموا بالكلمة!! بدنا نجرح شعور الحزب و نقلهم إنو الفمصان السود مش حلوة و صارت موضة باطلة بباريس!! و هيدا تحذير إذا ما بيسلموا سلاحهم !! مش سعد اللي رح يعمل ستربتيز و يشلح … مرة الجاية رح تكون نايلة معوض و قد أعذر من أنذر.

و يتبع .. بقلم لبناني بس نعوم شوي.

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s