لأ يا عمي! أنا مش شيوعي

Posted: أبريل 2, 2011 by Ahmad M. Yassine in إسقاط النظام
الوسوم:

أحمد م. ياسين

أنا معكم و أريد إلغاء الطائفية كي أتوظف و أعمل، أريد إلغاء الطائفية كي أهرب من زواريب المناطق إلى شوارع الطوائف، بحب كزدر بطريقة الجديدة و ما خاف من حدا، أو إتمشى ب عين الرمانة و ما ترهبني النظرات و القلوب المليانة، موفقين يا شباب و أنا بدعمكم بس لأ ما بدي إنزل إتظاهر….

بدي إبني اللي علمتو يشتغل بكرامته و شهادته، وظفت إختو من سنتين بالمستشفى و بتذكر إنها كانت الأولى على دفعتها بالجامعة، كانت عاملة إدارة أعمال بس وظفتها بالمستشفى و ساعدني حضرة النائب على شرط نصوتلوا، صحيح هيدا مش إختصاصها تكون ممرضة …. بس وين كان بدي وظفها بهيك بلد يعني؟ هلق معقول إبني يتوظف بلا ما نصوت للنائب؟ يا ريت يا شباب بتنجحوا و أنا داعمكم…. بس لأ ما بدي إتظاهر.

شو؟! تنكة البنزين يبطل عليها رسوم و ضرايب؟ ممكن تصير ب عشرين ألف أو أقل؟!! ربطة الخبز بدها ترجع 15 رغيف؟ كهرباء 24 ساعة و بلا تقنين؟! بدك تعطيني ضمان هلق و حتى كمان لما إكبر؟!! أكيد إنت عم تمزح، معقول تنزل من راسك تتظاهر هيك؟ أنا معكم يا شباب و بدعمكم …. بس لأ ما بدي إتظاهر.

إيه … إلو أكتر من 10 سنين برا و تجوز … يقبرني صار عندو بنت و سماها على إسمي، بشوفهم كل صيفية، … شو؟!! يرجعوا و يشتغل هون إبني و تعيش حفيدتي حدي؟! إيه أكيد بدي هيك!! أما معكم يا شباب و بدعمكم … بس لأ ما بدي إتظاهر.

معنا و داعمينا و ما بدكم تتظاهروا؟ طيب ليه؟ ، الجواب غريب !! أنكم من الحزب الشيوعي و نحن ما بدنا ينقال عنا شيوعيين، شخصيا” أستغرب الخوف من الحزب الشيوعي و ليس دفاعا” عنه لكنه من القلة التي لم تتسخ أيديهم بالفساد … ما بدي دافع عن أي حزب، بس انا شاركت بكل المظاهرات و كنت شوف قيادة الشيوعي ماشين متل غيرهم و حاملين ورقة بس.. و ما سمعت منهم خطاب ينسب التحرك إلهم مع العلم أنهم يساهمون ليل نهار في العمل، و يرفضون حتى ذكر إسم حزبهم،  من المستفيد من الزج بإسم أي حزب؟ لنفكر جيدا” … من غير النظام الطائفي؟ إنها قاعدة فرق تسد من جديد.

لأ أنا مش شيوعي بهيدي الحملة، أنا ناشط فيها و مستقل و قراري هو قرار الشباب!! خلوني إشتغل و ساعد بلدي، ما تضلوا تهاجموني، إلا إذا بدكم إترك الحراك و إرجع على حزبي بعد ما خلعت الصفة الحزبية قبل ما فوت على الحراك….

هذه صرخة كل شيوعي … على أمل التغيير

الجزء الثالث من سلسلة “إحذروا الثورة”

 

Advertisements
تعليقات
  1. جلجامش كتب:

    إسلوب شيق وينطبق على أغلب الدول العربية
    الكل معك ويدعمك بس لا ما بدو ينزل يتظاهر..

    لك الود

  2. “أستغرب الخوف من الحزب الشيوعي و ليس دفاعا” عنه لكنه من القلة التي لم تتسخ أيديهم بالفساد”… المشكلة ليس الفساد فقط ولكن الحرب الأهلية … عليك أن ترى فيلم شيوعيين كنا الذي عرض قبل أسابيع لكي ترجع بالذاكرة لمن إتسخت أيديهم بدماءنا… لهذا لن نغفر لهم مهما قالوا أنهم حزب نظيف

    وأيضاً حراكهم في الخيم والإعتصامات والمظاهرات ليس بريء … فما عليك إلا أن تسأل شباب خيمة صور وخيمة صيدا عما فعله الشيوعيون مع الشباب المستقل الذين وضعوا الخيم وماذا عمل الشيوعيون لمصادرة الخيم وإحتلالها … وأيضاً بيان حدادة في أخر يوم إعتصام في خيمة صيدا … كفى كذب ودجل كل الأحزاب فاسدة إنتهازية …

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s