بالمشرمحي || يا ولادين بلدي

Posted: يناير 3, 2012 by Ahmad M. Yassine in إسقاط النظام
الوسوم:, , , , , , , , ,

ما يلي أدناه، رسالة من مواطن سوري كانت الثورة له أمل، قبل أن يهتك سترها ويسرق بريقها…

...

كل شي فهمتوا بالثورة الا شغلي وحدي .. كرمال اللـــه مرقولي ياها ..

أنو كيف ثورة بالداخل بتختار ممثلين الها بالخارج .. أو حتى معارض صرلوا اربعاوعشرين مليون سني برا البلد ولا عرفان باب الدريب من النزهة من كفرنبل ..كيف !!
عنجد ما بعرف !!

اقسم بالله بوقتها اول ما اسمع واحد يقللي فلان لا تحكي عليه .. وهالتجمع اوعا هادا شريف .. وهادا مدري شو .. اسكت .. قلت اسكوت يا ابني خلقة صوفتك حمرا ..

بس بقلبي .. عم حرقص .. انو كيف برا .. ما عم افهم .. جد غريب ..

ولحتى ما انلام .. ما عم احكي عن المغتربين .. هني بيعرفوا قديش غلاوتون و اهميتون ..

من البديهي يكون المعارضين برا كل واحد راي .. لانه كل واحد بقرنة و بلد و تحت تأثير نفوذ فلان و علتان ..

يا ولادين بلدي .. لازم المعارضين اللي برا هني يختاروا مين بيمثلون جوا .. وحاج يلعوا قلبنا انون بيمثلوا الشعب ..

يا ولادين بلدي .. رح تجي الايام و تعرفوا .. انو الفنادق صوتها خافت و إن علي … والشوارع صوتها بيلعلع .. وان خفت …

يا ولادين بلدي .. اكره شي بالحياة السياسة و الاحزاب و التنظيمات ( هيك رايي طبعا ) و احلى شي انك تكون حر من اي التزام .. تحكي شو ما بدك بما يرضي الله .. وتقول للغلط غلط ..

يا ولادين بلدي .. عم نموت .. عم نبرد .. عم نجوع .. .. وانتو عنجد غريبين يا هالمعارضة ..

يا ولادين بلدي … الثورات ما بتعرف سياسة .. يمكن السياسة بتلزم .. بس بعدين ..

يا ولادين بلدي .. في عالم صدقوني بدها تخليكن تترحموا ع أيام الفراعنة ما بس ايام النظام ..

يا ولادين بلدي … الخونة ما بس يللي حكوا العدو .. و قتلوا الشعب او غلطوا بحقو.. الخونة هوي كل واحد بدو يستفيد من هالازمة لصالحو …ع حسابنا ..

يا ولادين بلدي .. هاي البلد والله مليانة عالم والله …

يا ولادين بلدي .. معي حق ؟

يا ولادين بلدي .. نيالك علينا يا وطـــن

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s